ಈ ನಿಯಮಗಳು ಮತ್ತು ಷರತ್ತುಗಳು PhonePe ಪ್ರೈವೇಟ್ ಲಿಮಿಟೆಡ್‌ನಿಂದ ಸಕ್ರಿಯಗೊಳಿಸಲಾದ ರೀಚಾರ್ಜ್ ಮತ್ತು ಬಿಲ್ ಪಾವತಿ ಸೇವೆಗಳ ಬಳಕೆಯನ್ನು ನಿಯಂತ್ರಿಸುತ್ತವೆ, ಈ ಕಂಪನಿಯು ಕಂಪನಿ ಕಾಯಿದೆ, 1956 ರ ಅಡಿಯಲ್ಲಿ ಕಛೇರಿ-2, ಮಹಡಿ 4,5,6,7, ವಿಂಗ್ A, ಬ್ಲಾಕ್ A, ಸಲಾರ್‌ಪುರಿಯಾ ಸಾಫ್ಟ್‌ಝೋನ್, ಸರ್ವಿಸ್ ರಸ್ತೆ, ಗ್ರೀನ್ ಗ್ಲೆನ್ ಲೇಔಟ್, ಬೆಳ್ಳಂದೂರು, ಬೆಂಗಳೂರು, ದಕ್ಷಿಣ ಬೆಂಗಳೂರು, ಕರ್ನಾಟಕ – 560103, ಭಾರತ ಇಲ್ಲಿ ನೋಂದಾಯಿತ ಕಚೇರಿಯನ್ನು ಹೊಂದಿರುತ್ತದೆ.(ಇನ್ನು ಮುಂದೆ “PhonePe”/ “ನಾವು”/”ನಮಗೆ”/” ನಮ್ಮ” ಎಂದು ಉಲ್ಲೇಖಿಸಲಾಗುತ್ತದೆ). ಈ ನಿಟ್ಟಿನಲ್ಲಿ PhonePe ಗೆ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಮೂಲಕ ಪಾವತಿ ಮತ್ತು ಸೆಟಲ್‌ಮೆಂಟ್ ಆಕ್ಟ್, 2007 ರ ನಿಬಂಧನೆಗಳು ಮತ್ತು ಕಾಲಕಾಲಕ್ಕೆ RBI ಹೊರಡಿಸಿದ ನಿಯಮಗಳು ಮತ್ತು ನಿರ್ದೇಶನಗಳಿಗೆ ಅನುಸಾರವಾಗಿ ಸೆಮಿ ಕ್ಲೋಸ್ಡ್ PPI ಅನ್ನು ವಿತರಿಸಲು ಅಧಿಕಾರ ನೀಡಲಾಗಿದೆ.
PhonePe ರೀಚಾರ್ಜ್ ಮತ್ತು ಬಿಲ್ ಪಾವತಿಯನ್ನು ಬಳಸಲು ಮುಂದುವರಿಯುವ ಮೂಲಕ, ನೀವು (“ಬಳಕೆದಾರ”/ “ನೀವು”/ “ನಿಮ್ಮ”) ಸಾಮಾನ್ಯ PhonePe ನಿಯಮಗಳು ಮತ್ತು ಷರತ್ತುಗಳಿಗೆ (“ಸಾಮಾನ್ಯ ನಿಯಮಗಳು”) ಸಮ್ಮತಿಸುವುದರ ಜೊತೆಗೆ ಈ ಬಳಕೆಯ ನಿಯಮಗಳಿಗೆ (ಇನ್ನು ಮುಂದೆ “ಬಿಲ್ ಪಾವತಿ ನಿಯಮ ಹಾಗೂ ಷರತ್ತುಗಳು”) ಬದ್ಧರಾಗಿರಲು ನಿಮ್ಮ ಸಮ್ಮತಿಯನ್ನು ನೀವು ಸೂಚಿಸುತ್ತೀರಿ. ಇವು https://www.phonepe.com/terms-conditions/ ನಲ್ಲಿ ಲಭ್ಯವಿರುತ್ತವೆ ಮತ್ತು https://www.phonepe.com/privacy-policy/ ನಲ್ಲಿ ಗೌಪ್ಯತಾ ನೀತಿ ಲಭ್ಯವಿರುತ್ತದೆ. ಸಂದರ್ಭಕ್ಕೆ ಅಗತ್ಯವಿರುವಾಗ “ಬಳಕೆದಾರ”/ “ನೀವು”/”ನಿಮ್ಮ” ಎಂದರೆ ಭಾರತದ ನಿವಾಸಿಯಾಗಿರುವ ಯಾವುದೇ ನೈಸರ್ಗಿಕ ಅಥವಾ ಕಾನೂನುಬದ್ಧ ವ್ಯಕ್ತಿ, ಭಾರತೀಯ ಒಪ್ಪಂದ ಕಾಯಿದೆ, 1872 ರ ಅರ್ಥದಲ್ಲಿ ಒಪ್ಪಂದಕ್ಕೆ ಅರ್ಹರಾದ ಕನಿಷ್ಠ 18 (ಹದಿನೆಂಟು) ವರ್ಷ ವಯಸ್ಸಾಗಿರುವವರು, ಬಿಡುಗಡೆ ಮಾಡದಿರುವ ದಿವಾಳಿ ವ್ಯಕ್ತಿಯಾಗಿರಬಾರದು ಮತ್ತು ಈ ಬಿಲ್ ಪಾವತಿಯ ನಿಮಯ ಮತ್ತು ಷರತ್ತುಗಳನ್ನು ಸ್ವೀಕರಿಸುವ ಮೂಲಕ PhonePe ಆ್ಯಪ್‌ನಲ್ಲಿ ನೋಂದಾಯಿಸಿಕೊಂಡಿರಬೇಕು.
PhonePe ನ ರೀಚಾರ್ಜ್ ಮತ್ತು ಪಾವತಿ ಬಿಲ್‌ಗಳ ಆಫರ್‌ಗಳನ್ನು ಒಳಗೊಂಡಿರುವ PhonePe ಸೇವೆಗಳನ್ನು ಬಳಸಲು ಮುಂದುವರಿಯುವ ಮೂಲಕ, ನೀವು PhonePe ನೊಂದಿಗೆ ಒಪ್ಪಂದ ಮಾಡಿಕೊಳ್ಳುತ್ತೀರಿ ಮತ್ತು ಇಲ್ಲಿ ಉಲ್ಲೇಖಿಸಲಾದ ಎಲ್ಲ ನೀತಿಗಳನ್ನು ಒಳಗೊಂಡಂತೆ ಈ ಬಿಲ್ ಪಾವತಿ ನಿಯಮ ಹಾಗೂ ಷರತ್ತುಗಳು ಈ ಆಫರ್‌ಗೆ ಸಂಬಂಧಿಸಿದಂತೆ PhonePe ಜೊತೆಗೆ ನಿಮ್ಮ ಬದ್ಧ ಬಾಧ್ಯತೆಗಳನ್ನು ರೂಪಿಸುತ್ತದೆ.
ಇದಲ್ಲದೇ “ವ್ಯಾಪಾರಿಗಳು/ಬಿಲ್ಲರ್‌ಗಳು” ಎಂಬ ಪದವು ನಿಮಗೆ ಯುಟಿಲಿಟಿ ಸೇವೆಗಳು, ಪಾವತಿ ಸೇವೆಗಳು ಮತ್ತು PhonePe ವಾಲೆಟ್, UPI, ಡೆಬಿಟ್ ಕಾರ್ಡ್/ಕ್ರೆಡಿಟ್ ಕಾರ್ಡ್ (“ಪಾವತಿ ಆಯ್ಕೆಗಳು”) ಅನ್ನು ಆನ್‌ಲೈನ್ ಅಥವಾ ಆಫ್‌ಲೈನ್ ಉಪಯುಕ್ತತೆಗಳ ಖರೀದಿಗೆ ಪಾವತಿ ವಿಧಾನವಾಗಿ ಸ್ವೀಕರಿಸುವ ಸಂಗ್ರಾಹಕ ಅಥವಾ BBPO ಮೂಲಕ ಪಾವತಿ ಸೇವೆಗಳನ್ನು ನೀವು PhonePe ಆ್ಯಪ್ ಬಳಸಿ ಬಿಲ್ ಪಾವತಿ ಮಾಡುವ ಅಥವಾ ರೀಚಾರ್ಜ್ ಮಾಡುವ ರೀಚಾರ್ಜ್ ಮತ್ತು ಬಿಲ್ ಪಾವತಿಯ ಉದ್ದೇಶವನ್ನು ಹೊಂದಿರುವ ಯಾವುದೇ ಸ್ಥಾಪಿತ ಮತ್ತು/ಅಥವಾ ಘಟಕವನ್ನು ಒಳಗೊಂಡಿರುತ್ತದೆ.
ನೀವು PhonePe ಆ್ಯಪ್ ಅನ್ನು ಬಳಸಿಕೊಂಡು (ಯಾವುದೇ ಪಾವತಿ ಆಯ್ಕೆಗಳೊಂದಿಗೆ) ರೀಚಾರ್ಜ್ ಮತ್ತು ಪಾವತಿ ಬಿಲ್‌ಗಳ ಸೇವೆಗಳನ್ನು PhonePe ಆ್ಯಪ್ ಮೂಲಕ ಅಥವಾ ಯಾವುದೇ ವ್ಯಾಪಾರಿ ವೆಬ್‌ಸೈಟ್/ವ್ಯಾಪಾರಿ ಪ್ಲಾಟ್‌ಫಾರ್ಮ್/ಮರ್ಚೆಂಟ್ ಸ್ಟೋರ್‌ನಲ್ಲಿ ಪಡೆದುಕೊಳ್ಳಲು ವಹಿವಾಟು ನಡೆಸಿದಾಗ, ಈ ಬಿಲ್ ಪಾವತಿ ನಿಯಮಗಳು ಮತ್ತು ಷರತ್ತುಗಳು ಹಾಗೂ ಆಯಾ ವ್ಯಾಪಾರಿಗಳ ನಿಯಮಗಳು ಮತ್ತು ಷರತ್ತುಗಳು ನಿಮಗೆ ಹೆಚ್ಚುವರಿಯಾಗಿ ಅನ್ವಯಿಸುತ್ತವೆ.
ನಿಮಗೆ ಯಾವುದೇ ಪೂರ್ವ ಲಿಖಿತ ಸೂಚನೆ ನೀಡದೇ, ಯಾವುದೇ ಸಮಯದಲ್ಲಿ ಈ ಬಳಕೆಯ ನಿಯಮಗಳ ಭಾಗಗಳನ್ನು ಬದಲಾಯಿಸಲು, ಮಾರ್ಪಡಿಸಲು, ಸೇರಿಸಲು ಅಥವಾ ತೆಗೆದುಹಾಕಲು ನಮ್ಮ ಸ್ವಂತ ವಿವೇಚನೆಯಿಂದ ನಾವು ಹಕ್ಕನ್ನು ಕಾಯ್ದಿರಿಸಿದ್ದೇವೆ. ಅಪ್‌ಡೇಟ್‌ಗಳು / ಬದಲಾವಣೆಗಳಿಗಾಗಿ ನಿಯತಕಾಲಿಕವಾಗಿ ಈ ಬಳಕೆಯ ನಿಯಮಗಳನ್ನು ಪರಿಶೀಲಿಸುವುದು ನಿಮ್ಮ ಜವಾಬ್ದಾರಿಯಾಗಿದೆ. ಬದಲಾವಣೆಗಳನ್ನು ಪೋಸ್ಟ್ ಮಾಡಿದ ನಂತರ PhonePe ಆ್ಯಪ್‌ನ ನಿಮ್ಮ ಮುಂದುವರಿದ ಬಳಕೆಯು ಹೆಚ್ಚುವರಿ ನಿಯಮಗಳು ಅಥವಾ ಈ ನಿಯಮಗಳ ಭಾಗಗಳನ್ನು ತೆಗೆದುಹಾಕುವುದು, ಮಾರ್ಪಾಡುಗಳು ಇತ್ಯಾದಿ ಸೇರಿದಂತೆ ಆಗಿರುವ ಪರಿಷ್ಕರಣೆಗಳನ್ನು ನೀವು ಸ್ವೀಕರಿಸುತ್ತೀರಿ ಮತ್ತು ಒಪ್ಪುತ್ತೀರಿ ಎಂದರ್ಥ. ಈ ಬಳಕೆಯ ನಿಯಮಗಳನ್ನು ನೀವು ಅನುಸರಿಸುವವರೆಗೆ, ರೀಚಾರ್ಜ್ ಮತ್ತು ಬಿಲ್ ಪಾವತಿಯ ಆಫರ್‌ ಮತ್ತು ಪಾವತಿಗಳು, ಚಂದಾದಾರಿಕೆಗಳು, ರೀಚಾರ್ಜ್‌ಗಳು, ಯುಟಿಲಿಟಿ ಪಾವತಿಗಳು, ಯಾವುದೇ ಇತರ ಮರುಕಳಿಸುವ ಪಾವತಿಗಳಿಗಾಗಿ ಕಾಲಕಾಲಕ್ಕೆ PhonePe ಆ್ಯಪ್ ಮೂಲಕ ನೀಡಬಹುದಾದ ಇತರ ಸೇವೆಗಳಿಗಾಗಿ PhonePe ಆ್ಯಪ್ ಅನ್ನು ಬಳಸಿಕೊಳ್ಳಲು ನಾವು ನಿಮಗೆ ಸೀಮಿತ ಸವಲತ್ತನ್ನು ನೀಡುತ್ತೇವೆ.
PHONEPE ಆ್ಯಪ್‌ನಲ್ಲಿ PHONEPE ರೀಚಾರ್ಜ್ ಮತ್ತು ಬಿಲ್ ಪಾವತಿ ಫೀಚರ್ ಅನ್ನು ಬಳಸುವುದು ಎಲ್ಲ ನಿಯಮಗಳು ಮತ್ತು ಷರತ್ತುಗಳಿಗೆ ನಿಮ್ಮ ಒಪ್ಪಂದವನ್ನು ಸೂಚಿಸುತ್ತದೆ. ಆದ್ದರಿಂದ, ಮುಂದುವರಿಯುವ ಮೊದಲು ದಯವಿಟ್ಟು ಈ ನಿಯಮಗಳನ್ನು ಎಚ್ಚರಿಕೆಯಿಂದ ಓದಿ.
ರೀಚಾರ್ಜ್ ಮತ್ತು ಪಾವತಿ ಬಿಲ್‌ಗಳ ನಿಯಮಗಳು ಮತ್ತು ಷರತ್ತುಗಳನ್ನು ಸೂಚ್ಯವಾಗಿ ಅಥವಾ ಸ್ಪಷ್ಟವಾಗಿ ಒಪ್ಪಿಕೊಳ್ಳುವ ಮೂಲಕ, ಗೌಪ್ಯತಾ ನೀತಿ ಸೇರಿದಂತೆ ಎಲ್ಲ PhonePe ನೀತಿಗಳಿಗೆ ಬದ್ಧರಾಗಿರಲು ಸಹ ನೀವು ಸಮ್ಮತಿಸುತ್ತೀರಿ ಮತ್ತು ಒಪ್ಪಿಗೆ ಸೂಚಿಸುತ್ತೀರಿ.
- ರೀಚಾರ್ಜ್ ಮತ್ತು ಬಿಲ್ ಪಾವತಿಗಳು ಸಾಮಾನ್ಯ ನಿಯಮಗಳು:
- PhonePe ಕೇವಲ ಪಾವತಿಗಳನ್ನು ಸುಗಮಗೊಳಿಸುತ್ತದೆಯೇ ಹೊರತು ಮತ್ತು ಪಾವತಿಗಳ ಪಾರ್ಟಿಯಾಗಿರುವುದಿಲ್ಲ ಎಂದು ಬಳಕೆದಾರರು ಗಮನಿಸಬಹುದು.
- ಮೊಬೈಲ್ ಪೋಸ್ಟ್-ಪೇಯ್ಡ್, ಪ್ರಿಪೇಯ್ಡ್ ರೀಚಾರ್ಜ್ ಮತ್ತು ಲ್ಯಾಂಡ್‌ಲೈನ್ ಫೋನ್ ಬಿಲ್ ಪಾವತಿ, ಸ್ಟ್ರೀಮಿಂಗ್ ಸೇವೆಗಳ ಪಾವತಿಗಾಗಿ DTH ಮತ್ತು ಚಂದಾದಾರಿಕೆ, ವಿದ್ಯುಚ್ಛಕ್ತಿ, LPG ಇತ್ಯಾದಿ ಇತರ ಯುಟಿಲಿಟಿ ಪಾವತಿಗಳಿಗೆ ಪಾವತಿಸಲು ನಿಮಗೆ ಅನುಮತಿಸುವ ಮೂಲಕ PhonePe ರೀಚಾರ್ಜ್ ಮತ್ತು ಬಿಲ್‌ಗಳ ಸೇವೆಗಳನ್ನು ಸುಗಮಗೊಳಿಸುತ್ತದೆ. ಕ್ರೆಡಿಟ್ ಕಾರ್ಡ್ ಪಾವತಿ, ವಿಮಾ ಪ್ರೀಮಿಯಂ ಪಾವತಿ, ಆನ್‌ಲೈನ್ ದೇಣಿಗೆ, ಇಂಟರ್‌ನೆಟ್‌ ಬ್ರಾಡ್‌ಬ್ಯಾಂಡ್ ಮತ್ತು ಡೇಟಾ ಕಾರ್ಡ್ ಬಿಲ್ ಪಾವತಿ, ಮುನಿಸಿಪಲ್‌ ತೆರಿಗೆ ಮತ್ತು ನೀರಿನ ತೆರಿಗೆ ಪಾವತಿ, ಶಾಲಾ ಶುಲ್ಕ ಪಾವತಿ, ಟೋಲ್ ತೆರಿಗೆ ರೀಚಾರ್ಜ್ (FasTag), ಸಾಲ ಮರುಪಾವತಿ ಮತ್ತು ಕಾಲಕಾಲಕ್ಕೆ PhonePe ಒದಗಿಸುವ ಇತರ ಸೇವೆಗಳು ಮೊಬೈಲ್ ಆ್ಯಪ್‌ನ “ರೀಚಾರ್ಜ್ ಮತ್ತು ಬಿಲ್‌ಗಳನ್ನು ಪಾವತಿಸಿ” ವಿಭಾಗದ ಅಡಿಯಲ್ಲಿ a) PhonePe ಒಪ್ಪಂದವನ್ನು ಹೊಂದಿರುವ ಸಂಗ್ರಾಹಕರ ಮೂಲಕ ಅಥವಾ b) ವ್ಯಾಪಾರಿಯು ಬಿಲ್ ಪಾವತಿಗಳಿಗಾಗಿ NPCIನಲ್ಲಿ ನೋಂದಾಯಿಸಿರುವ ಭಾರತ್‌ ಬಿಲ್ ಪೇಮೆಂಟ್‌ ಆಪರೇಟಿಂಗ್‌ ಯುನಿಟ್‌ (BBPOU) ಮೂಲಕ ಲಭ್ಯವಿರುತ್ತದೆ.
- ರೀಚಾರ್ಜ್ ಮತ್ತು ಪಾವತಿ ಬಿಲ್‌ಗಳನ್ನು ಹೊಂದಿಸುವಿಕೆ:
- ರೀಚಾರ್ಜ್ ಅಥವಾ ಬಿಲ್ ಪಾವತಿಗಳನ್ನು ಮಾಡಲು ನೀವು ಅನನ್ಯ ಗ್ರಾಹಕ ಗುರುತು / ಚಂದಾದಾರಿಕೆ ಗುರುತಿನ ಸಂಖ್ಯೆ ಅಥವಾ ಬಿಲ್ ಸಂಖ್ಯೆ ಅಥವಾ ನೋಂದಾಯಿತ ಮೊಬೈಲ್ ಸಂಖ್ಯೆ, ನೋಂದಾಯಿತ ದೂರವಾಣಿ ಸಂಖ್ಯೆ ಅಥವಾ ಪಾವತಿ/ಚಂದಾದಾರಿಕೆ ಬಾಕಿ ಅಥವಾ ಬಿಲ್ ಮೌಲ್ಯ, ಚಂದಾದಾರಿಕೆ ಯೋಜನೆ, ಅಂತಿಮ ದಿನಾಂಕ, ಬಾಕಿ ಇರುವ ಮೊತ್ತ ಮತ್ತು ವ್ಯಾಪಾರಿಯೊಂದಿಗೆ ನಿಮ್ಮ ಖಾತೆಗೆ ಪಾವತಿಯನ್ನು ಸಕ್ರಿಯಗೊಳಿಸಲು ಅಗತ್ಯವಿರುವ ಇತರ ಮಾಹಿತಿಗಳನ್ನು ಪಡೆದುಕೊಳ್ಳಲು ಅಗತ್ಯವಿರುವ ಇತರ ಗುರುತಿಸುವಿಕೆ(ಗಳು)ಯನ್ನು ಒದಗಿಸಬೇಕಾಗುತ್ತದೆ.
- ಹೇಳಲಾದ ಉದ್ದೇಶಗಳಿಗಾಗಿ ನಿಮ್ಮ ಪರವಾಗಿ ನಡೆಯುತ್ತಿರುವ ಆಧಾರದ ಮೇಲೆ ರೀಚಾರ್ಜ್ ಮತ್ತು ಬಿಲ್ ಪಾವತಿ ಸೇವೆಗಳಿಗಾಗಿ ವ್ಯಾಪಾರಿಯೊಂದಿಗೆ ನಿಮ್ಮ ಖಾತೆಗೆ ಸಂಬಂಧಿಸಿದ ಮಾಹಿತಿಯನ್ನು ಆ್ಯಕ್ಸೆಸ್‌ ಮಾಡಲು, ಪಡೆದುಕೊಳ್ಳಲು, ಹಂಚಿಕೊಳ್ಳಲು, ಬಳಸಲು, ಸಂಗ್ರಹಿಸಲು ನೀವು PhonePe ಗೆ ಅಧಿಕಾರ ನೀಡುತ್ತೀರಿ.
- ಸರಿಯಾದ ಬಿಲ್ ಮತ್ತು ಚಂದಾದಾರಿಕೆ ಮೌಲ್ಯವನ್ನು ಪಡೆದುಕೊಳ್ಳಲು ಮಾಹಿತಿಯ ನಿಖರತೆಯು ಅತ್ಯಂತ ಮಹತ್ವದ್ದಾಗಿದೆ ಎಂದು ನೀವು ಅರ್ಥಮಾಡಿಕೊಂಡಿದ್ದೀರಿ ಮತ್ತು ಗುರುತಿಸುವ ಮಾಹಿತಿಯ ನಿಖರತೆಯನ್ನು ಖಚಿತಪಡಿಸಿಕೊಳ್ಳಲು ಮತ್ತು ಜವಾಬ್ದಾರರಾಗಿರಲು ನೀವು ಖಚಿತಪಡಿಸುತ್ತೀರಿ.
- ಪಾವತಿಸಬೇಕಾದ ಮೊತ್ತ, ರೀಚಾರ್ಜ್ ಅಥವಾ ಚಂದಾದಾರಿಕೆ ಮೌಲ್ಯವು ನಿಮ್ಮ ಮತ್ತು ಮರ್ಚೆಂಟ್ ನಡುವಿನ ಒಪ್ಪಂದವಾಗಿದೆ ಮತ್ತು ಅದರ ನಿಖರತೆಯನ್ನು ಪರಿಶೀಲಿಸಲು PhonePe ಯಾವುದೇ ಬಾಧ್ಯತೆಯನ್ನು ಹೊಂದಿಲ್ಲ ಎಂದು ನೀವು ಅರ್ಥಮಾಡಿಕೊಂಡಿದ್ದೀರಿ
- ನಿಮ್ಮ ಖಾತೆಯ ಮಾಹಿತಿಯನ್ನು ಅಪ್‌ಡೇಟ್‌ ಆಗಿರಿಸಲು ಮತ್ತು ಎಲ್ಲ ಸಮಯದಲ್ಲೂ ನಿಯಮಗಳು ಮತ್ತು ಷರತ್ತುಗಳನ್ನು ಅನುಸರಿಸಲು ನೀವು ಒಪ್ಪುತ್ತೀರಿ. ಇಲ್ಲದಿದ್ದರೆ ಖಾತೆಯನ್ನು ಅಮಾನತುಗೊಳಿಸುವ ಅಥವಾ ಯಾವುದೇ ಸೇವೆಗಳನ್ನು ನಿರಾಕರಿಸುವ ಹಕ್ಕನ್ನು PhonePe ಹೊಂದಿದೆ.
- ರೀಚಾರ್ಜ್ ಮತ್ತು ಬಿಲ್ ಪಾವತಿ ಸೇವೆಗಳನ್ನು ಒದಗಿಸಲು ಬಳಕೆದಾರರ ಗುರುತಿಸುವಿಕೆಯ ಡೇಟಾ, ಸ್ಥಳ/ರಾಜ್ಯ ಮತ್ತು/ಅಥವಾ kyc ಮಾಹಿತಿ/ಯಾವುದೇ ವೈಯಕ್ತಿಕ ಮಾಹಿತಿಯನ್ನು ತೆರಿಗೆ/GST ಉದ್ದೇಶಗಳಿಗಾಗಿ ವ್ಯಾಪಾರಿ/ಬಿಲ್ಲರ್‌ನೊಂದಿಗೆ ಹಂಚಿಕೊಳ್ಳುವ ಅಗತ್ಯವಿದೆ ಎಂದು ನೀವು ಒಪ್ಪುತ್ತೀರಿ.
- ವಹಿವಾಟನ್ನು ಪ್ರಕ್ರಿಯೆಗೊಳಿಸಲು ನಿಮ್ಮ ಖಾತೆಯ ಮಾಹಿತಿಯೊಂದಿಗೆ ವ್ಯಾಪಾರಿ, ಥರ್ಡ್ ಪಾರ್ಟಿ ಸೇವಾ ಪೂರೈಕೆದಾರರು, ಸಂಗ್ರಾಹಕರೊಂದಿಗೆ ಸಂವಹನ ನಡೆಸಲು ನೀವು PhonePe ಗೆ ಸಮ್ಮತಿಸುತ್ತೀರಿ ಮತ್ತು ಅಧಿಕಾರ ನೀಡುತ್ತೀರಿ,
- ರೀಚಾರ್ಜ್ ಮತ್ತು ಬಿಲ್ ಪಾವತಿಗಾಗಿ ಮರ್ಚೆಂಟ್‌ಗೆ ಒಮ್ಮೆ ಮಾಡಿದ ಪಾವತಿಯನ್ನು ಮರುಪಾವತಿಸಲಾಗುವುದಿಲ್ಲ ಎಂಬುದನ್ನು ಮತ್ತು ನೀವು ಸ್ಪಷ್ಟವಾಗಿ ಸಮ್ಮತಿಸುವ ರಿಮೈಂಡರ್ ಸೌಲಭ್ಯ ಅಥವಾ ಆಟೋಪೇ ಸೌಲಭ್ಯವನ್ನು PhonePe ಹೊಂದಿಸಬಹುದು ಎಂಬುದನ್ನು ಸಹ ನೀವು ಒಪ್ಪುತ್ತೀರಿ.
- ಪಾವತಿ ಅಥವಾ ವಿಳಂಬಿತ ಪಾವತಿಗಳಿಗೆ ಅಥವಾ ಮಾಡಿದ ಪಾವತಿಗಳ ಮೇಲೆ ವ್ಯಾಪಾರಿ ವಿಧಿಸುವ ಯಾವುದೇ ಪೆನಾಲ್ಟಿ/ಬಡ್ಡಿಗಾಗಿ ಯಾವುದೇ ನಕಲು ನಿಲುವು ಸೂಚನೆಗಳಿಗೆ ನೀವು ಜವಾಬ್ದಾರರಾಗಿರುತ್ತೀರಿ. PhonePe ನಿಮ್ಮ ಪರವಾಗಿ ವ್ಯಾಪಾರಿಗಳಿಗೆ ಪಾವತಿಗಳನ್ನು ಮಾತ್ರ ಸುಗಮಗೊಳಿಸುತ್ತದೆ ಎಂದು ಮತ್ತೊಮ್ಮೆ ತಿಳಿಸಲಾಗುತ್ತಿದೆ.
- ಶುಲ್ಕಗಳು
- ಥರ್ಡ್ ಪಾರ್ಟಿ ಪಾವತಿ ಭಾಗವಹಿಸುವವರು ಮತ್ತು/ಅಥವಾ ಬಿಲ್ಲರ್‌ಗಳಿಂದ ಆ್ಯಕ್ಸೆಸ್‌ಗಾಗಿ ಶುಲ್ಕಗಳು, ಥರ್ಡ್ ಪಾರ್ಟಿ ಪಾವತಿ ಅಥವಾ ಅದೇ ರೀತಿಯ ಇತರ ಡೇಟಾ ಶುಲ್ಕಗಳು ಇರಬಹುದು ಎಂದು ಮತ್ತು ಅದಕ್ಕಾಗಿ PhonePe ಅನ್ನು ಹೊಣೆಗಾರರನ್ನಾಗಿ ಮಾಡುವುದಿಲ್ಲ ಎಂದು ನೀವು ಸ್ಪಷ್ಟವಾಗಿ ಒಪ್ಪುತ್ತೀರಿ.
- ನಿಮ್ಮ ಜವಾಬ್ದಾರಿಗಳು: PhonePe ರೀಚಾರ್ಜ್ ಮತ್ತು ಬಿಲ್ ಪಾವತಿಗಳ ನಿಮ್ಮ ಬಳಕೆಗೆ ಸಂಬಂಧಿಸಿದಂತೆ, ಈ ಕೆಳಗಿನವುಗಳಿಗೆ ಬದ್ಧವಾಗಿರುವುದು ನಿಮ್ಮ ಜವಾಬ್ದಾರಿಯಾಗಿರುತ್ತದೆ:
- ನೀವು ವಹಿವಾಟಿನ ಇತಿಹಾಸ ಮತ್ತು/ಅಥವಾ ಯಶಸ್ವಿಯಾದ ವಹಿವಾಟು ಅಥವಾ ವೈಫಲ್ಯದ ಕುರಿತು ನೋಟಿಫಿಕೇಶನ್‌ಗಳಿಂದ ಪರಿಶೀಲಿಸಬೇಕು.
- ನಿಮ್ಮ ಖಾತೆಯಿಂದ ಕಡಿತಗೊಳಿಸಬಹುದಾದ ಅಥವಾ ನಿಮ್ಮ ಬಿಲ್ / ಚಂದಾದಾರಿಕೆ ಶುಲ್ಕಕ್ಕೆ ಸೇರಿಸಲಾದ ರೀಚಾರ್ಜ್ ಮತ್ತು ಬಿಲ್ ಪಾವತಿಗಳ ಸೇವೆಗಳಿಗೆ ಸಂಬಂಧಿಸಿದಂತೆ ವ್ಯಾಪಾರಿ/ಬಿಲ್ಲರ್ ವಿಧಿಸುವ ಯಾವುದೇ ಶುಲ್ಕಗಳಿಗೆ ನೀವು ಜವಾಬ್ದಾರರಾಗಿರುತ್ತೀರಿ.
- ನಿಮ್ಮ ಪೀರಿಯಾಡಿಕ್‌ ಬಿಲ್‌ಗಳು, ಚಂದಾದಾರಿಕೆ ಶುಲ್ಕ ಮತ್ತು ರೀಚಾರ್ಜ್ ಮುಕ್ತಾಯ ದಿನಾಂಕಗಳು ಮತ್ತು ಅಥವಾ ನೀವು ಪಡೆದ ಯಾವುದೇ ಯುಟಿಲಿಟಿಗಳು/ಸೇವೆಗಳು ಅಥವಾ ಮರುಕಳಿಸುವ ಶುಲ್ಕ ಸೇವೆಗಳ ಅಂತಿಮ ದಿನಾಂಕಗಳನ್ನು ಟ್ರ್ಯಾಕ್ ಮಾಡಲು ನೀವು ಜವಾಬ್ದಾರರಾಗಿರುತ್ತೀರಿ ಮತ್ತು ಬಿಲ್ಲರ್‌ಗಳಿಂದ ಬಿಲ್‌ಗಳನ್ನು ನಿಯತಕಾಲಿಕವಾಗಿ ಮರುಪಡೆಯಲು ಅಥವಾ ಬಿಲ್‌ಗಳಲ್ಲಿನ ಯಾವುದೇ ದೋಷಗಳು / ವ್ಯತ್ಯಾಸಗಳಿಗೆ ಸಂಬಂಧಿಸಿದ ಯಾವುದೇ ತಾಂತ್ರಿಕ ಸಮಸ್ಯೆಗಳಿಗೆ PhonePe ಜವಾಬ್ದಾರವಾಗಿರುವುದಿಲ್ಲ.
- ನಿಮ್ಮ ಬಿಲ್ ಪಾವತಿಯನ್ನು ನಿಗದಿಪಡಿಸಲು ನೀವು ಜವಾಬ್ದಾರರಾಗಿರುತ್ತೀರಿ ಮತ್ತು ಪೇಮೆಂಟ್‌ ರಿಯಲೈಸೇಷನ್‌ ಸಮಯವು ವ್ಯಾಪಾರಿಯಿಂದ ವ್ಯಾಪಾರಿಗೆ ಬದಲಾಗುತ್ತದೆ ಎಂದು ನೀವು ಅರ್ಥಮಾಡಿಕೊಂಡಿದ್ದೀರಿ ಮತ್ತು ನಿಮ್ಮ ಸೂಚನೆಗಳನ್ನು ಆಧರಿಸಿ ನಾವು ಪಾವತಿಯನ್ನು ಮಾಡುತ್ತೇವೆ. ವಹಿವಾಟಿನ ವಿಳಂಬಗಳು/ಹಿಂಪಡೆಯುವಿಕೆಗಳು ಅಥವಾ ವೈಫಲ್ಯಗಳಿಗೆ ನಾವು ಜವಾಬ್ದಾರರಾಗಿರುವುದಿಲ್ಲ.
- ಬಳಕೆದಾರರ ದೋಷಗಳು:
- ನೀವು ತಪ್ಪಾದ ವ್ಯಕ್ತಿಗೆ ಅಥವಾ ತಪ್ಪಾದ ಬಿಲ್ಲರ್‌ಗೆ ತಪ್ಪಾಗಿ ಪಾವತಿಯನ್ನು ಕಳುಹಿಸಿದರೆ ಅಥವಾ ಎರಡು ಬಾರಿ ಪಾವತಿಸಿದರೆ ಅಥವಾ ತಪ್ಪಾದ ಮೊತ್ತಕ್ಕೆ ಪಾವತಿಯನ್ನು ಕಳುಹಿಸಿದರೆ (ಉದಾಹರಣೆಗೆ ನಿಮ್ಮ ಕಡೆಯಿಂದಾದ ಮುದ್ರಣ ದೋಷ) ನೀವು ಕಳುಹಿಸಿದ ವ್ಯಾಪಾರಿ/ಪಾರ್ಟಿಯನ್ನು ಸಂಪರ್ಕಿಸುವುದು ನಿಮಗಿರುವ ಏಕೈಕ ಮಾರ್ಗವಾಗಿರುತ್ತದೆ. ಪಾವತಿ ಮತ್ತು ಮೊತ್ತವನ್ನು ಮರುಪಾವತಿಸಲು ನೀವು ಅವರನ್ನು ಕೇಳಬೇಕು. PhonePe ನಿಮಗೆ ಮರುಪಾವತಿ ಮಾಡುವುದಿಲ್ಲ ಅಥವಾ ನೀವು ತಪ್ಪಾಗಿ ಮಾಡಿದ ಪಾವತಿಯನ್ನು ಹಿಂತಿರುಗಿಸುವುದಿಲ್ಲ.
- ಹಕ್ಕು ನಿರಾಕರಣೆಗಳು:
- ಆನ್‌ಲೈನ್ ವಹಿವಾಟಿನಿಂದ ಉಂಟಾಗುವ ಎಲ್ಲ ಅಪಾಯಗಳನ್ನು ನೀವು ಭರಿಸುತ್ತೀರಿ ಎಂದು ನೀವು ಒಪ್ಪುತ್ತೀರಿ.
- PhonePe ಮತ್ತು ಥರ್ಡ್-ಪಾರ್ಟಿ ಪಾಲುದಾರರು ಸೇವೆಗಳ ಗುಣಮಟ್ಟಕ್ಕೆ ಸಂಬಂಧಿಸಿದಂತೆ ಯಾವುದೇ ಖಾತರಿ ನೀಡುವುದಿಲ್ಲ, ವ್ಯಕ್ತಪಡಿಸುವುದಿಲ್ಲ ಅಥವಾ ಈ ಮುಂದಿನವುಗಳಿಗೆ ಸೀಮಿತವಾಗಿರುವುದಿಲ್ಲ: i) ಸೇವೆಗಳು ನಿಮ್ಮ ಅವಶ್ಯಕತೆಗಳನ್ನು ಪೂರೈಸುತ್ತವೆ; II) ಸೇವೆಗಳು ಅಡೆತಡೆಯಿಲ್ಲದೆ, ಸಮಯೋಚಿತ ಅಥವಾ ದೋಷ ಮುಕ್ತವಾಗಿರುತ್ತವೆ; ಅಥವಾ III) ಸೇವೆಗಳಿಗೆ ಸಂಬಂಧಿಸಿದಂತೆ ನೀವು ಪಡೆದ ಯಾವುದೇ ಉತ್ಪನ್ನಗಳು, ಮಾಹಿತಿ ಅಥವಾ ವಸ್ತುವು ನಿಮ್ಮ ಅವಶ್ಯಕತೆಗಳನ್ನು ಪೂರೈಸುತ್ತವೆ.
- ಇಲ್ಲಿ ಸ್ಪಷ್ಟವಾಗಿ ಮತ್ತು ಕಾನೂನಿನಿಂದ ಅನುಮತಿಸಲಾದ ಪೂರ್ಣ ಪ್ರಮಾಣದಲ್ಲಿ ಹೊರತುಪಡಿಸಿ, ವಾಲೆಟ್ ಫೀಚರ್ ಅನ್ನು “ಇರುವಂತೆ”, “ಲಭ್ಯವಿರುವಂತೆ” ಮತ್ತು “ಎಲ್ಲಾ ದೋಷಗಳೊಂದಿಗೆ” ಒದಗಿಸಲಾಗಿದೆ. ಅಂತಹ ಎಲ್ಲ ವಾರಂಟಿಗಳು, ಪ್ರಾತಿನಿಧ್ಯಗಳು, ಷರತ್ತುಗಳು, ಕಾರ್ಯಗಳು ಮತ್ತು ನಿಯಮಗಳು, ವ್ಯಕ್ತವಾಗಿರಲಿ ಅಥವಾ ಸೂಚಿತವಾಗಿರಲಿ ಅವುಗಳನ್ನು ಈ ಮೂಲಕ ಹೊರಗಿಡಲಾಗಿದೆ. PhonePe ಒದಗಿಸಿದ ಅಥವಾ ಸಾಮಾನ್ಯವಾಗಿ ಲಭ್ಯವಿರುವ ಸೇವೆಗಳು ಮತ್ತು ಇತರ ಮಾಹಿತಿಯ ನಿಖರತೆ, ಸಂಪೂರ್ಣತೆ ಮತ್ತು ಉಪಯುಕ್ತತೆಯನ್ನು ಮೌಲ್ಯಮಾಪನ ಮಾಡುವುದು ನಿಮ್ಮ ಜವಾಬ್ದಾರಿಯಾಗಿದೆ. ನಮ್ಮ ಪರವಾಗಿ ಯಾವುದೇ ಖಾತರಿ ನೀಡಲು ನಾವು ಯಾರಿಗೂ ಅಧಿಕಾರ ನೀಡುವುದಿಲ್ಲ ಮತ್ತು ಅಂತಹ ಯಾವುದೇ ಹೇಳಿಕೆಯನ್ನು ನೀವು ಅವಲಂಬಿಸಬಾರದು.
- ಇತರೆ ನಿಯಮಗಳು:
- ಬಳಕೆದಾರ ನೋಂದಣಿ, ಗೌಪ್ಯತೆ, ಬಳಕೆದಾರರ ಜವಾಬ್ದಾರಿಗಳು, ನಷ್ಟ ಪರಿಹಾರ, ಆಡಳಿತ ಕಾನೂನು, ಹೊಣೆಗಾರಿಕೆ, ಬೌದ್ಧಿಕ ಆಸ್ತಿ, ಗೌಪ್ಯತೆ ಮತ್ತು ಸಾಮಾನ್ಯ ನಿಬಂಧನೆಗಳು ಮುಂತಾದ ನಿಯಮಗಳು ಸೇರಿದಂತೆ ಎಲ್ಲ ಇತರ ನಿಯಮಗಳು ಸಾಮಾನ್ಯ ನಿಯಮಗಳನ್ನು ಉಲ್ಲೇಖಿಸಿ ಈ ಬಳಕೆಯ ನಿಯಮಗಳಲ್ಲಿ ಸಂಯೋಜಿಸಲಾಗಿದೆ ಎಂದು ಪರಿಗಣಿಸಲಾಗುತ್ತದೆ.